九人西貢食海鮮唔問價，埋單6,631 嫌貴報警和解變4,950

8sun

                               
登錄/註冊後可看大圖

一名上周幫襯西貢著名海鮮酒家六福菜館的食客，把不快經歷連單據圖片放上網，以為網友會站在他們一邊。誰知弄巧反拙，嫌貴拒絕以帳單價找數的食客，慘遭網友圍攻恥笑。

據該名食客稱，他們「訂位前睇過食評最多消費$500，所以今次朋友飯局大家點菜的時候冇特別問價錢，但到了約10:30PM的時候結賬，賬單$6,631(共9位)，每位$736。」

食海鮮食到要報警

食客接過帳單後即質問侍應為甚麼買海鮮後上菜前不告訴價錢給他們知道，侍應回答說：「客人冇問，我地唔講！」甚後與待應爭論約15分鐘後，店方願意一再妥協，由九折再減至八五折收費。但他們仍不接受，最多只肯每人付$550，即合共$4,950。

結果店方報警，據該名食客引述，警察到場後，其中一警員說：「他們的經營手法確有問題，但你們作為消費者為甚麼不問清楚價錢呢？你們若不付足款係刑事！」事件由10時半糾纏至零時45分，店方終於接受每人收$550。

事件公開後，網民幾乎一面倒批評那群食客，部分言論如下：

Jeffrey Mak：上網睇價就當真，叫海鮮唔問清楚價錢，又唔肯畀錢，又唱衰人，畀個叻你啦。

Tamara LY Wong：又一影張相出來就當自己啱的例子。去餐廳切自帶蛋糕收切餅費、開自買酒收開瓶費、自買海鮮收油料費，呢啲係常識。自己唔問清楚價錢，有乜好怨？仲要懶死要比少啲，我覺得食客無良好多。

Michael Kwok：人地都畀個85折你費事煩，攞咗彩就算啦！仲死都要$500位。報哂警咪又要畀錢！仲有點解佢唔講自己食咗啲乜先？食蝦同食龍蝦都唔同價啦！

Orac Le Ng：未出去見過世面就鬧人，出去食緊要貴啲㗎啦，食咗咩又唔講？每人$600-700唔係特別貴，又要扮豪又要話人。


蘋果日報

TKT

我哋都試過啦....冇咁好彩有八五折
怪自己, 以為熟人....原來唔熟唔食

海龙

唔問價, 人地以為你唔介意任吃.
價錢開多d亦好正常.

TKT

人客唔問就乱开价？做人，做生意都係是均真D好！

WongThasin

係呀，冇可能咁亂嚟！