【明報專訊】工聯會每季都會出一本好似電話簿咁厚嘅課程書,提供各樣課程畀打工仔喺公餘時間自我增值,當中有興趣班,亦有職業相關嘅文憑課程。唔好以為呢啲課程得基層市民參加呀,原來從商嘅全國政協委員李秀恆都不時去工聯會上吓唔同嘅課程,又以IT課程為主。 李秀恆呢個星期都有3個工聯會課程要上,包括學上網、點用iPhone同攝影,原來佢上工聯會嘅堂已經有年幾兩年,話貪工聯會夠多堂、多選擇,好多仲係一堂上完嘅速成班,好適合佢喎。
李秀恆話佢最近轉晒用Apple嘅電子產品,好似iPhone同iPad咁,佢形容點樣將啲資料互相連結呢啲科技嘢,去工聯會上堂,好過自己慢慢睇說明書啦。
|