娥姐同僭建驊自比 同林鄭CY一樣完美！
立法會新界東補選6名候選人鄧家彪、范國威、方國珊、黃成智、陳玉娥以及趙佩玉出席商台選舉論壇。經常把「主耶穌愛你」掛在口邊的趙佩玉指，她確信只要努力做，她是會當選：「因為主耶穌同我講，我真係會贏，我喺2016年時，喺以色列禱告，我親自聽到聲音，主係叫我去參選，返到香港時，參與一些為香港守望禱告聚會，為香港喊住禱告，因為我見到撕裂，我亦聽到話要參選，竟然有一位姊妹同我禱告時，佢同我講，上帝感動你要參選，另一啲姊妹話同我發言禱告時，佢話見到天父畀咗個皇冠我，比咗權柄、權杖同埋斗篷我，都係話我喺政治界會得勝，當時有電流觸動我成身嘅感覺。」
滿有信心的趙指，大家可以看3.11日的神蹟，「天父同我講，我真係會贏，我會全力以赴。」被問到如果落敗甚麼辦，趙指：「呢度冇如果」。她又指，自己本來腰骨有事，最初要鑲了四口螺絲，本來走動不了，但是神在聽她禱告後，說會醫治她會給她好醫生，「我真係好返。」
趙指，是神叫她到新界東參選，否則結果不會成就。被問到若自己子女向她表示自己是同性戀，她會甚麼辦，趙說：「呢樣嘢唔會發生。我個女BB時，我已將我個女好似阿伯拉罕咁，奉獻比天父，當時天父同我講，佢行嘅一定係正路。」她又指，同性戀者只要信耶穌，天父一定會醫治他。
趙又質問支持同志平權的范國威，是否知道外國的性解放運動已很嚴峻，范國威指，平機會在2016年向政府提交報告，香港仍然存在歧視性小眾的問題，趙佩玉一聽到范國威回應，即時批評平機會，指它影響深遠：「我覺得你唔應該用平機會嘅數據，因為佢係有問題，你用平機會就唔啱，因為平機會係支持性解放。你用平機會我就唔認同。」她又指，外國的性解放人士不斷強迫本港要立法，范國威可謂無從回應：「我可以答問題未呀？」
2016年曾在同一電台的選舉論壇上指「(前特首梁振英)CY就係太完美」的參選人陳玉娥，今次大讚特首林鄭月娥「同CY一樣，好完美，都係好有魄力嘅人」，現時香港政治兩極化、是非顛倒，林鄭及梁振英2人也很犀利，強調應付香港形勢一定要「好硬淨」。她去年在林鄭當選時曾指對方獲得777票是寓意「七警有救」
被問到僭建醜聞纏身的律政司司長鄭若驊是否「完美」時，陳亦讚鄭「完美」，更指自己與鄭都是同類人，主持人即詢問陳是否亦有僭建，陳即解釋，自己工作都曾經很忙，來往美加，認為鄭一時忽略了並不出奇，「我唔係有僭建，係會因公忘私……我都係咁」。當趙佩玉在論壇上，再談及同性戀、性解放、多元性行為、通姦等，陳即插嘴，「可唔可以收口呀，又喺度講」。
陳在互相詢問環節，批評對手趙假份信徒，抹黑天主，「講三級嘢，整污糟天主，你喺鏡頭面前講三級嘢，夾硬要求全香港人聽你講嘢，你好恐怖，講三級言論，整污糟我耳仔。天主係冇叫你講三級嘢，但你假借天主之名，抹黑天主，其實你口裡講天主，心裡憎恨天主，你千方百計整蠱天主，專登講三級嘢，天主係會懲罰你。你手段卑鄙下流無恥。我個問題係：點解你咁恐怖？」
主持人問陳是否想趙回答，陳即說：「唔畀！」趙主動回應：「我想講……」陳玉娥制止：「我制止你，唔畀你講。因為你係講三級嘢。」兩人不斷疊聲。趙指自己只是盡能力保護下一代，陳斥「扮嘢！天主係唔會饒恕你」，趙佩玉回應指「主耶穌愛你」。
| 
雷达卡
發表於 2018-2-5 21:47:06
置顶卡
喧嚣卡
变色卡
显身卡
樓主
