【聲援良心犯】傳逾14萬人遊行 大會僅稱創傘運後新高

山米

雙學三子、反新界東北發展案13名爭取公義的社運人士，在港府律政司窮追猛打下成為階下囚。4個個民間組織及政黨發起遊行，雖然灣仔下午氣溫高見34.7°C，但市民集合和起步時，不但逼爆灣仔，所有籌款箱亦塞滿。時事評論員黎則奮透露，今天遊行人數遠比預期為多，「估計數以萬計（最新消息逾14萬人），民情之洶湧，可想而知」。警方則指，最高峰時遊行有22,000人。

學聯前秘書長、遊行主辦單位發言人岑敖暉說，目前未統計到今日遊行人數，但毫無疑問地今次是自14年佔領運動後，最多人的一次遊行，反映中共、港府及律政司以嚴刑打擊市民參與政治的陰謀全盤失敗，強調香港人不會因此放棄心目中的自由和公義。他又說，出席的人亦讓政治犯知道自己並不孤單，亦希望今次能重新凝聚不同公民團體的力量，重新找回公民運動的焦點。

岑其後見記者時，重申未能預測遊行人數有多少，只表示人數是遠超預期，認為是繼傘運後最多人參與的遊行集會，「無論人數幾多都好，今次毋庸置疑地係2014年雨傘運動後最多香港人出嚟參與遊行嘅一日。」惟大會晚上8時許，一度向傳媒稱，遊行加集會人數有5萬人，之後收回。

岑敖暉見記者時又指，近年香港民主運動踏入低潮，香港人對民主運動失去信心，惟政府對爭取民主運動的人士作出的恐嚇，市民看見了，「今日香港人行出嚟遊行係要刮林鄭月娥、刮袁國強一巴，話畀佢哋聽佢哋嘅嚴刑峻法，係唔會令香港人放棄架。」

岑敖暉強調，他們是願意承擔自己所做行為帶來的後果，惟是次刑期覆核不應存在，只是袁國強的政治考量，「基於一個完完全全係政治考量嘅刑期覆核，即係將啲一啲政治考量打入法庭，同佢哋所講嘅野係完全違背，佢哋濫用呢個制度我哋當然係反對，應該係要停止所有對年輕人或者唔同派系嘅人嘅政治迫害。」

岑指，現時最重要的事是要重整香港民主運動，重振香港市民信心，面對未來挑戰。另外，亦要計劃如何支援被打的政治犯及其家屬，「我哋唔會樂觀到認為香港剩係得呢一批政治犯，香港未來係會越來越多政治犯。」岑最後呼籲市民參與政治活動，反抗政府的打壓，「一地兩檢迫在眉睫、立法會修改議事規則，呢一啲全部都需要香港人嘅力量、香港人嘅參與，先至有機會力挽狂瀾。」

岑稱，目前未有計劃下一步行動，強調司法獨立不代表法治已彰顯，現時北京政權和港府透過司法程序打壓願意犧牲去爭取民主的市民，「呢個陰謀唔會得逞」，他說並非輸打贏要，強調對爭取自由絕對無悔。

70歲的麥婆婆指遊行人數比她預期少，「應該要更多先至岩。」麥婆婆用「無恥」來形容政府，「不分青紅皂白就拉人，我覺得被拉嘅年青人真係好為香港，佢地為咗我地香港，最後竟然要坐監，好傷心。」麥婆婆指雙學三子已完成社會服務令，今次再重判完全是基於政治因素，為此感到傷心，「最初判佢地服務令都睇前因後果，佢依家純粹講行為，唔計前因後果點得啊？邊個逼佢地出嚟呢？呢啲年青人畀你（政府）逼到出嚟，佢地良心真係為香港，點樣可以將佢地拉入去坐監？」

許氏夫婦帶同兩歲半及一歲的小朋友參加遊行，許太指遊行人數是預期之內，「928嘅發生就係因佢地3個衝咗入去，依家佢地3個畀人拉咗，咗咪姐係成個故事再重頭開始過。」許太認為當日928有到現場的人都應該站出來。許氏夫婦稱參加遊行是為了下一代，「法制被衝擊，你聽到佢判決呢，判決唔係基於佢地背後嘅動機，佢只係基於佢行為，咁所以好明顯係政治考慮，三權合作，所以我地好驚呢樣野影響下一代。」

許生指香港法治體系一早已不再獨立，「佢跟人大，最後都去咗人大釋法，咁姐係冇咗法治。」
許太補充指現時是「赤裸地話畀我地聽法治係崩潰咗」。

許生表示以為雨傘運動後香港會有新氣象，「以為可以改變一啲嘢，爭取公義，咁原來冇，係會畀人拉」，許太指作為家長更擔心事件後如何教導小朋友，「教唔教佢地為公義企出嚟呢？為不公平去發聲呢？」為了下一代，許氏夫婦指縱使天氣酷熱，亦要帶小朋友參加遊行。

就讀大學四年級的曾同學指不少朋友均於網上呼籲市民參加遊行，因此對有如此多市民參加遊行不感到意外，而她參加遊行是對法官判決感到不滿，「本身個法官都有自己嘅政治取向，因為咁影響梗個判決就唔公平，因為呢一啲政治打壓，香港首次有政治犯受到打壓，有呢個先例，咁之後會有越嚟越多呢啲事發生。」
曾同學指自人大可隨便就《基本法》釋法後，已代表香港法治制度受干預，「我覺得一開始香港人就已經冇得話事。」

從事審核行業的陳小姐指遊行人數為預期多，「我地諗住得幾條友。」陳小姐表示雙學三子仍是「小朋友」，對於他們要入獄服刑感到不公平，參加遊行是自己應該做的事，「佢地好細個，居然要坐監，咁其實之前判過啦，又做完社會服務令，咁點解依家仲要判佢坐監呢？我覺得佢冇一個我覺得合理嘅原因，作為一個大人，咁細佬仔都要坐監，咁大人係唔係應該出嚟做少少嘢呢？」陳小姐指事件反映香港司法機關受到干預，「希望香港司法制度仲係健全嘅，因為要靠呢個制度去維持社會，如果佢崩潰，我地就真係好大鑊，同大陸一樣。」

                               
登錄/註冊後可看大圖

登錄/註冊後可看大圖 王心義攝

登錄/註冊後可看大圖 黎樹雄攝

登錄/註冊後可看大圖 70歲的麥婆婆用「無恥」來形容政府。（彭愷欣、何柏佳攝