大角嘴 - 港 灣 豪 庭 Metro Harbor View

 找回密碼
 注册
今天是
搜索
查看: 1448|回復: 0

【大陸自駕遊】實試皇崗租車 最平¥88危唔危?

[複製鏈接]
發表於 2017-8-6 19:55:35 | 顯示全部樓層 |閱讀模式
暑假流流長,想返大陸玩一日半日,最方便舒服當然是自己揸車,車主可以申請一次性過境牌照,不過規限多,而且配額已經要等到八月尾。咁不如返大陸租車揸,感覺好似危危地?我們就親身實試了一次。

現時較具規模的內地租車分別是一嗨及神州,據聞一嗨啲車就新淨少少,下載app後,必須用大陸電話註冊確認。之後就揀邊度攞車,分店選擇都多,羅湖口岸同皇崗仲要24小時營業。隨後就是揀車款,最平一日88元人民幣有交易,車款是國產車東風風神,想玩豪啲瑪莎拉蒂都有得租,我們就揀了一部韓國現代SUV,一日租金為246人仔,連保險、手續等費用,埋單計為446人仔。三日前租仲有優惠價,收費資料列明都相當清晰,不過提提大家一定要加錢選擇「不計免賠」,畀多數十元,萬一車身有甚麼損毀碰撞,連墊底費都唔使畀,因為在大陸揸車經常有碰撞風險。最後可以選擇去到門市才用支付寶或銀聯信用卡畀錢。

因為揀選了皇崗汽車城分店攞車,過了皇巴站一出關口就會見到車港城路牌,跟着方向上一樓再走過天橋就找到車港城,找到「一嗨租車」牌就找到舖仔,路程不算遠。入到櫃位交出租車三寶:回鄉證、中國駕駛執照及信用卡,再補填少少資料便可,手續不算複雜。不過要留意的就是必須帶信用卡,因為是要繳付六千元人民幣按金,當中有二千是違章按金,為暫留信用額(hold credit),不過數的。


單據各方面亦寫得清清楚楚,如加油服務費、過時服務費等等。攞車前記得行一圈檢查車身有冇花痕,發現問題要即刻講,職員會用iPad拍照記錄,或對部車操作有問題亦可提出,四眼哥哥職員都好細心,解釋得好清楚,跟手記住睇埋尾廂暗格有冇收藏東西,安全至上。入車廂後第一件事要留意油缸是否入滿,我發現差一小格才滿,又影低一張相確認,還車入油後多除少補的,聲稱入多了會退錢畀你。


揸車方面唔算好大困難,但搵路就唔好靠Google Maps喇,出發前下載定高德導航及地圖,準確度都好高。見到道路收費站走藍色通道便可,由深圳去肇慶為例,路費大概要230人民幣。最後到還車,只要駛返去攞車的地方,入去叫職員出來接收便可,他便會兜一圈看看部車有冇問題,不過最重要是還車前記得要入油。接着回櫃位,他們會先退回四千元人民幣給你,另外二千元按金,一個月內他們確保沒有收到違規發票之後才解凍。


總括第一次於大陸租車的經驗,感覺都算良好,因為網路系統甚完善,租車前不時收到訊息提你幾點取車、單據多少錢及幾點還車等,駕車又並非想像般困難。若然要去一些偏遠地方,我覺得租車是比搭公共交通工具好。意外收穫是一日後收到短訊,他們真的退回27元人民幣油費,不過只退回賬戶,只可留番下次租車用。
返大陸去偏遠地方玩,租車揸又經濟又舒服。
現時較具規模的內地租車分別是一嗨及神州,一嗨啲車就新淨少少。
車款最平一日88元人民幣有交易。
攞車點選擇多,羅湖口岸同皇崗仲要24小時營業。
收費資料列明都相當清晰。
出發前應預先下載高德導航及地圖,因為數據頗大。
見到道路收費站走藍色通道便可,黃色是電子收費。
不時收到租車公司訊息提示,意外收穫是一日後他們退回27元人民幣油費。
您需要登錄後才可以回帖 登錄 | 注册

本版積分規則

Archiver|手机版|小黑屋|港灣豪庭論壇 admin@mhvlive.com

GMT+8, 2021-4-22 10:17 , Processed in 0.053918 second(s), 16 queries .

Metro Harbor View MHVLive X3.4

© 2007-2021 mhvlive.com

快速回復 返回頂部 返回列表