太興惡搞英雄片搵你飲奶茶

丁一一 · 發表於 2014-3-7 11:54:42

新廣告走型格風吸年輕粉絲

登錄/註冊後可看大圖

為了模仿《鐵甲奇俠》主角羅拔唐尼，Eric Kwok在廣告拍攝前花了兩星期留鬚。（被訪者提供）

「講乜鬼英文吖，扮晒嘢！」太興新一輯電視廣告近日熱爆；「惡搞」電影《鐵甲奇俠》的創意，加上風趣鬼馬對白，片段上載三日即有近十萬點擊。太興指今次廣告轉行型格路綫，為吸納年輕擁躉。
廣告一開始，著名音樂人郭偉亮（Eric Kwok）以超級英雄姿態登場，筆挺西裝配型格黑超，駕着名貴跑車於路上奔馳。到達餐廳，他以流利英語對着由黑人扮演的Captain Hero說：「今次有咩事？又要我幫你哋拯救世界？」對方用廣東話幽默回應：「講乜鬼英文吖，扮晒嘢！搵你嚟太興飲冰鎮奶茶，得唔得吖？」

拯救世界變開餐反差夠驚喜

由拯救世界到飲奶茶，由煞有介事到輕鬆平凡，這些反差營造出來的喜劇效果，令網民拍案叫絕，大讚廣告夠創意。廣告於二月中推出，網上版上載不足四日已有逾十萬點擊，Eric Kwok更一度成為網站的熱門搜尋字眼。
太興飲食集團高級顧問陳淑芳稱，以往集團廣告主打溫馨，今次改走型格路綫，希望吸納多些OL及年輕客，「年輕人好難對一個品牌產生忠誠度，我們相信藉着有創意和話題的廣告，可為品牌增值，令他們覺得來太興食飯是一件開心、過癮的事。」
收到「年輕化」這個要求後，廣告公司Uth Creative兩名合夥人蘇偉良（Desmond）及黃子豪（Charles）立即想起Eric，他們異口同聲說：「近年好多人話佢似Iron Man，這些潮流往往能引起年輕人共鳴。」構思過程中，他們又想到將食物營造成「英雄」，Charles解釋：「香港人工作忙碌，食飯是最放鬆的時間，食物就像英雄般救了他們。」

尋主角 Eric Kwok成不二選

對於廣告的成功，Desmond認為是天時地利人和。他笑說，廣告構思完成當天，他竟在晚飯中途遇到Eric，於是把握機會邀他拍攝這廣告。物色Captain Hero的人選亦是無心插柳，「Eric知道有這個角色，即推薦本身彈低音結他的Ray C給我們，觀眾對他的演出，反應亦好好。」
Desmond透露，廣告由構思到播出約四個月，比一般飲食業廣告用多一倍時間。作為太興25周年的頭炮宣傳，廣告由道具到場地均十分認真。陳淑芳稱，集團接下來還會與航空公司合作，在飛機提供太興罐裝奶茶，又會邀台灣傳媒來港採訪，希望將品牌推廣至海外，預計整個計劃耗資逾千萬。

廣告風格銳變跳出傳統

高檔茶餐廳賣電視廣告並不常見，太興可算是當中佼佼者。陳淑芳坦言，飲食業賺的一分一毫皆是「辛苦錢」，電視廣告的成本高，業界一般不會投資，「但電視廣告確實可令品牌深入民心，對生意有一定幫助，所以太興繼續作這方面的投資。」
太興由09年至今推出三個廣告，包括首輯廣告「太興Everyday」及11年的太興奶茶廣告。上兩輯廣告主打溫馨、親情，「太興Everyday」以一首清新的廣告歌，帶出星期一至日均可到太興用膳，畫面上盡是與家人、伴侶及朋友共膳的溫馨場面。第二輯廣告則以推銷太興奶茶為主軸，帶出輕鬆的感覺。
相比之下，今輯廣告的風格明顯截然不同。陳淑芳直言，當初曾掙扎是否要改變廣告方向，「有諗過要跟番傳統」，幸而集團主席給予充分支持，令這一輯創意廣告順利誕生。
記者：譚琦恩

登錄/註冊後可看大圖

扮演Captain Hero的Ray C（左）雖然居港多年，但不會說廣東話，拍攝當日Eric以音階向他解釋廣東話聲調。（被訪者提供）

登錄/註冊後可看大圖

（左至右）蘇偉良、陳淑芳及黃子豪，是今次廣告的幕後推手。（冼偉倫攝）

丁一一 · 發表於 2014-3-7 11:56:16

唔知双脾飯會唔會貴過魔童銅鑼灣嗰碟

huali · 發表於 2014-3-7 21:44:08

冰鎮奶茶確實好飲. 不過太興貴一些, 不常去.

Thomas_Chan · 發表於 2014-3-13 19:34:18

huali 发表于 2014-3-7 21:44

登錄/註冊後可看大圖

冰鎮奶茶確實好飲. 不過太興貴一些, 不常去.

今日至去過……

TKT · 發表於 2014-3-13 21:09:28

如何？貴DD，但值得

丁一一 · 發表於 2014-3-14 10:48:02

貴咗DD, but OK la

Thomas_Chan · 發表於 2014-3-14 11:16:19

無計，現在街邊茶餐廳，一個餐午都直迫半百大圓！

TKT · 發表於 2014-3-14 12:29:06

松記執咗, 栢林隔籬 / DBS後燒臘店執咗, BoC 隔籬 X發執咗, 大角咀道米鋪執咗,
全部因為租..../老闆娘收租好過賣米/賣燒臘....加上食材天天漲價,
怎能不貴

		自動登錄	找回密碼
密碼			注册

太興惡搞英雄片 搵你飲奶茶

瀏覽過的版塊

太興惡搞英雄片搵你飲奶茶