[名家政評] 彭志銘：瞓低收錢的香港議員

山米 · 發表於 2013-4-30 12:38:08

香港立法會審議《財政預算案》拉布戰中，看到一群被尊稱為「高貴議員」們的言行，不單止垃圾污穢，而且應是犯了嚴重「刑事」罪行，可惜，無人發覺、舉報和執法，包括立法會主席曾鈺成聲大大不留情面的斥責工聯會的黃國健，話佢「你唔係第一次參加會議……」意指「乜你唔識規矩o架啫？」點知，曾主席也不遑多讓啫！

「拉布戰」，是議會內少數派抗衡一面倒異議主張的「非常手段」，也算是保障任何弱細聲音發聲的強力王牌，能否成功爭取，達到目的，絕非「最後的勝利」，可否得到人心和真正支持，才是關鍵。

今次《財政預算案》的拉布戰，一大棚建制派的議員之表現，叫人慘不忍睹。議事廳內開會人數經常不足，要不停響鐘召集，甚至因「人腳」不足而流會，拖遲審批日期。那些「失蹤」、「遲到」、「缺席」的議員，竟怪場內要求點人頭的議員玩嘢（話佢哋要求點人數係花時間之招數），唉！立法會的規條，只要求三十五人（即半數）法定數目啫！咁低要求都做唔到？你班尊貴議員係受薪o架！坐喺度開會，係理所當然要做嘅職責呀！你哋連津貼攞十幾廿萬o架！坐幾日都鬼殺咁嘈，人家碼頭工人困喺半空捱二十四小時，食飯屙屎也不能「腳踏實地」解決呀！仲有，你班建制派啲議員公然在立法會會議進行中大覺瞓，不單只睡姿核突出醜，而且仲係犯法o架！係刑事，因為坊間受薪的保安員若「當更」時瞓覺，係拉得的。連做看更都唔准偷懶瞌睡，何解責任重大，影響香港命脈的議員，瞓覺唔使罰？世上，瞓低搵錢的工作，是卑賤可憐的！

彭志銘

次文化考古學家，對城中潮語有深入研究，博徵博引，廢官廢人行埋一邊。

Singasing · 發表於 2013-4-30 12:39:25

瞓低收錢的香港議員

超筍工

陳卿 · 發表於 2013-4-30 14:51:52

有乜嘢工隨意不返工而又可照常支人工, 是香港議員.
要怪責「缺席」的議員

丁一一 · 發表於 2013-5-3 01:06:54

可以返工時打瞌，織冷頸巾、寫毛筆字、打遊戲機、上網覆電郵、看電子書…仲有錢收

		自動登錄	找回密碼
密碼			注册