格價精明眼自身難保消委會員工積金蝕到喊

陳卿 · 發表於 2012-10-18 13:08:49

登錄/註冊後可看大圖

消委會公佈過去五年有近四成強積金基金「見紅」，令不少打工仔大歎「蝕到肉痛」。原來一向精於格價和選優的消委會，選擇了「AXA安盛信託」作為強積金公司，過去五年投資同樣蝕多過賺，其中一隻基金五年蝕了一成一，表現排全港基金榜上「尾四」。

      消委會本周一公佈三百多隻可比較強積金的基金表現之後，即引起消委會員工怨聲四起，原來消委會選擇了「AXA安盛信託」作強積金公司，但多隻基金表現差強人意。

      據消委會公佈的「見紅」基金名單中，安盛信託日本股票基金的「AXA強積金易富之選——AXA鄧普頓日本股票基金」蝕得勁，過去五年平均跌幅達一成一，在三百四十一隻可比較基金中排行「尾四」，而安盛另外七隻「蝕錢」基金中，平均下跌了百分之一點七九至七點八六（另見P2附表）。安盛另外有八隻基金賺錢，但最賺錢的「AXA強積金明智之選——AXA保證基金」，過去五年平均賺百分之四，三隻賺百分之一至二點九六，另三隻賺不足百分之一。

      消委會：如有不滿　下月「半自由行」

      消委會發言人表示，經正常程序，據強積金公司過往表現、收費及服務等因素，選擇安盛信託。消委會指員工如不滿現時強積金公司，可在「強積金半自由行」下月推行後，將自己供款轉往其他強積金公司。發言人重申，知悉並理解員工對安盛信託表現有不滿，會不時檢討退休計劃公司的服務及表現。

登錄/註冊後可看大圖

陳卿 · 發表於 2012-10-18 13:25:29

剩得強積金公司『賺』

Singasing · 發表於 2012-10-18 14:16:34

點解金管局唔包埋黎做？

Thomas_Chan · 發表於 2012-10-18 16:09:30

Singasing 发表于 2012-10-18 14:16

登錄/註冊後可看大圖

點解金管局唔包埋黎做？

對自己無著數，又有風險。突衰正苦算死草。

如果咁有承擔，當年就唔會行強積金呢條路啦。

8sun · 發表於 2012-10-18 23:14:08

強積金意念是好的,
但推行却益哂基金行,
最不贊成是收費高,
就算有賺扣埋都得個桔.

TKT · 發表於 2012-10-18 23:15:22

呢個MPF害死人，我冇左一大截。金管局一定有得賺，年年賺，睇賺多定賺少啫。做埋全港一大舊，可揀小D風險嘅，大家着數。

standbyme · 發表於 2012-10-22 15:33:39

只有做莊的包賺。

丁一一 · 發表於 2012-10-22 18:17:56

仲要係賺多多，可憐大部份打工仔要白供2-5年

		自動登錄	找回密碼
密碼			注册

格價精明眼自身難保 消委會員工積金蝕到喊

瀏覽過的版塊

格價精明眼自身難保消委會員工積金蝕到喊