婆婆遭食環票控一蚊賣紙皮

一名75歲獨居、患有長期病患的老婦，上周日（11日）於中環碼頭拾紙皮時，懷疑因一名菲傭在拿取紙皮後放下「1蚊」，被食環署人員票控無牌販賣。協助老婦撰寫求情信的區議員引述老婦稱，食環人員執法時曾聲稱「你賣1蚊都係無牌小販」。他批評食環署執法過嚴、不近人情，「令人覺得個社會好涼薄」。

協助朱婆婆的區議員黎志強表示，日前收到朱求助，央求他撰寫法庭求情信。黎指，朱婆婆年屆75歲，獨居於柴灣興華邨，雖然家貧，惟因不願領取綜援，故向朋友借來手推車，並以執紙皮維生，亦會偶然到中環碼頭附近做清潔替工。黎覆述朱婆婆說，她當日在中環碼頭一帶執紙皮，「執咗幾個（紙皮箱），有個菲傭話想同佢要兩個紙皮箱，婆婆冇乜所謂，就叫佢攞。菲傭見攞咗人嘢，就放低咗1蚊」。

怎料婆婆甫「賣出」紙皮，食環職員隨即現身，並控告她無牌販賣，「婆婆冇辦法，因為現場人贓並獲，百詞莫辯，雖然都有向食環求情，但對方就話『你賣1蚊都係無牌小販』」，後又連人帶貨，一併帶同食環署總部，再帶到警署發告票。朱的手推車及紙皮均被充公，亦需於下周三上庭。

黎指朱婆婆患有嚴重風濕關節炎、鼻黏膜炎、胃病，「佢（朱）以前每晚鼻黏膜炎都會留半碗鼻血」，其後雖完成手術，卻希望自力更生，不領綜援，「婆婆個人好有骨氣，佢唔想攞綜援，怕冇面」，為朱只因做「1蚊生意」而面臨數千元罰款感無奈。
他批評，食環署執法過嚴，「婆婆只係想自食其力，仲要對方年紀咁大、身體又唔好……覺得食環執法太嚴，亦唔靈活，會令人覺得社會好涼薄」，又稱法律不外乎人情，望法官可輕判。

食環署則回覆，指個案已進入司法程序，故不會就個案作評論。
食環署執法多年來屢惹爭議，2016年曾有月入約8,000元的70歲清潔工，因將清水倒入坑渠，原被食環署人員票控罰款1,500元，後在輿論壓力下撤控。