|
特首選舉3.26投票前最後一場三人同場選舉論壇昨天舉行，獲中聯辦支持的林鄭月娥遭曾俊華和胡國興夾擊，曾俊華批評多個調查顯示林鄭低民望、低能量、低認受性，是三低特首，擔心由她帶領「三低政府」，港人未來五年很難受。胡國興則批評林鄭不斷反口，斥她不誠實，更以全民退保為例狠批：「假諮詢係林太強項」。
記者：姚國雄
由建制及民主派選委合辦的論壇昨晚在機場博覽館舉行，有教育界選委提問時不滿林鄭鄭只選擇有利自己的意見，當作主流意見，有關問題牽起三人最針鋒相對的一幕。
林鄭率先回應稱日後會小心聆聽意見，曾俊華隨即出擊，即主流意見很清楚：「近日民調反映，Carrie嘅支持度係比佢嘅不支持度相差好遠，一個未上任嘅特首，支持度已經係負淨值，係前所未見，如果特首冇市民支持，冇公務員支持，冇一個廣泛政治光譜支持，或者搵不到適當人才我哋點樣做管治，我哋只會有一個低民望、低能量、低認受性嘅特首，一個『三低特首』，帶領一個『三低政府』，我哋跟著未來五年係會好難受。」
接着回應的胡國興指林鄭經常前言不對後語：「如果我係法官，會話佢係不誠實證人，市民點信你吖？」遭兩人奮力批評的林鄭只以笑容回應。
另有選委問到候選人當選後會否在沒有警方保護下落區，曾俊華說過去兩個月落區，均動用最少警力：「如果好多警力，根本接觸唔到市民，聽唔到佢哋聲音，得唔到佢哋支持。」林鄭不點名指曾俊華在任時不落區，選舉才落區：「現屆政府經常要求司局長落區，亦都係完全無警察安排，但恐怕有一位另類啲嘅同事，係完全唔參與落區接觸市民。」
有選委亦向林鄭翻舊帳，指兩年前佔中，林鄭承諾設立一個多方平台，讓各方討論政改，最終不了了之，林鄭回應時含糊其詞，只稱說當日作出有關承諾後，在金鐘「發生嘅事大家比我清楚」。曾俊華又趁機出擊，指林鄭在西九建故宮博物館上黑箱作業：「好多政客都係講咗當做咗，林太好多例子都係爛尾收場…市民經過過去幾年之後，都知道乜嘢係語言偽術，我哋唔會畀人呃倒。」
參選以來以阻止林鄭當選的胡國興亦加入戰團，指林太若再搞政改，只會出現「佔領成個香港」，認為她難以營造她口中嘅氛圍，更在結語時借退保諮詢狠批林鄭，指「假諮詢係林太強項」，認為諮詢到最後付諸流水，林鄭與曾俊華兩名前司長「互相交波，交交下個波都唔知擺喺邊」。
林鄭一度趁飲食界選委黃傑龍請候選人互讚對方時出招，指以往任曾俊華下屬時到曾的房間，「我好羡慕，因為佢枱頭乜嘢都冇，冇file、冇紙張，我就好難做到，因為我好多文件夾，要為介紹政策做好準備」，結果反被曾俊華稱她不了解其做事方式，指工作work hard重要，但work smart更重要，更趁機還拖指林鄭的工作方式，「確實好多人對佢好大嘅意見。」
不過候選人的即場表現似乎無礙選委投票意向，例如已提名曾俊華的建築、測量、規劃及園境界選委吳永輝稱，曾俊華理念與專業民主起動理念接近，五票全投曾俊華；支持林鄭的選委如陳永棋則大讚林鄭表現好，「已經贏咗」。
| 
雷达卡
發表於 2017-3-20 20:58:57
置顶卡
喧嚣卡
变色卡
显身卡
樓主