|
游蕙禎和黃毓民同屬激進本土派，選前最後民調指，最後一席屬黃、游惡鬥，黃毓民曾攻擊游蕙禎，甚至以「屎」形容她；選舉過後，游蕙禎說不介意黃毓民的「提點」，更說要借鑑對方在議會的表現，但游卻對民主黨的不滿言溢於表，不滿該黨一直指青政「鎅票」。對於外界多番質疑青政是「鬼」，游只感有理說不清：「我哋本身係一班好普通嘅市民。」
記者 姚國雄
游蕙禎直言對黃選前的攻擊無所謂，更稱許對方：「佢係前輩，佢之前嘅議會工作，或者議會表現我都好欣賞，用嚟借鑑同鞭策自己，我以往嘅工作表現要有咁上下，要追得上。」
她對民主黨明顯憎恨，不滿對方由區議會選舉開始已不斷斥青政「鎅票」：「指摘話我哋鎅票、話我哋係『共青年新政』都係民主黨，我哋本身落去（選舉）就唔係鎅票，但佢哋一直話我哋鎅票，我冇辦法唔出聲。」
因為鎅票的「罪名」，青政的背景一直令部分人質疑，甚至被斥是「鬼」、參選意在令泛民失去激進支持者，甚至連游曾是《大公報》實習記者的歷史也翻開，游蕙禎指：「我哋本身係一班好普通嘅市民...我諗我之後嘅議會工作會話畀大家聽，我係咪一個左派，一個左派嘅人會唔會不斷講收回（單種證）審批權。」
她稱當年在《大公報》工作僅兩星期，因為不滿上司在自己稿件「加料」，主題由「小朋友評價梁振英與唐英年的分別」，變成「梁振英叫個小朋友努力讀書」，加上家人不想她太辛苦，故提早請辭。
對於近月常以評論員文章做頭條的《成報》狠批青政與左派、中聯辦稔熟，游形容這些均是原創故事：「我冇法幫一個原創故事去解釋，我點樣幫佢作古仔。」
| 
雷达卡
發表於 2016-9-29 21:08:35
置顶卡
喧嚣卡
变色卡
显身卡