中門大開：鬥虛偽

丁一一

梁振英封殺王維基事件搞出個大頭佛，係意料之內，一個由三山五嶽拉雜成軍嘅治港班子，又點可能處理有爭議的政策，出事乃屬必然，試問一個500蚊華強北山寨iPhone5s，連續睇片五小時，又點可能唔hang機，隨時爆炸都似。

最smart當然係林鄭，佢無寶不落，特首水深火熱，佢就大曬家庭溫暖，修補自己工作狂形象，為乜？大家心中有數。佢至今連一句挺梁發兩個牌都冇講過，反而財爺都幫過口。北京委派佢領導政制諮詢，表面是重用，但實際隨時俾梁粉狙擊，陰溝翻船。有時醒目到出晒面，政客行為走精面，未必係好事。

至於一班建制政黨，紛紛劃清界線，左右逢源，有水就抽到盡。行政會議就更加離譜，擺到明唔妥此決定，但又心領神會送梁振英一程，任由張志剛大噴口水，然後由梁乾綱獨斷，難怪左報也替梁不值。但話時話，呢班偽內閣組織乃烏合之眾，背後各有勢力支持，點會將梁放眼內，你特首咁英，要衝出來執行政治任務，你要死唔通唔俾你死咩。坦白講，梁振英又奈得邊個何？林煥光、李慧琼、羅范、葉劉，敢唔敢是但郁一件？                                    

無力處理社會爭議                                       
據悉今次政治任務搞出大頭佛，冇人認頭，虛偽處是人人都知壓力來自上邊，但個個詐唔知，試問往後幾年，北京如何放心將工作交託振英。任何任務落到梁手上，佢有意無意之間，都可以變出一個大頭佛來，選舉時盛傳佢有四大任務，睇怕冇人會再提。事實上香港已步入不可管治，現有政治體制及權力組合根本無能力處理社會爭議，弱勢特首欠自知之明，山寨團隊又各懷鬼胎，就算中央不斷送暖打氣，大家都唔會尊重梁振英作為特區領導。

如果真係行Plan C，即係唔換人情況下架空特首，實在於事無補，因為梁振英不是董建華，他不會對中央言聽計從，從當日選舉所見，佢係三位特首之中最懂得計算中央，並因此而取得寶座，要佢甘心交出權力，好難。

「電視發牌事件」細心分析，會有更多的發現。                                          
                                   
添馬男

                               
登錄/註冊後可看大圖

                                   

                               
登錄/註冊後可看大圖

林鄭至今連一句挺梁發兩個牌都冇講過，反而財爺都幫過口。