四 叔 ： 樓 價 不 會 跌 50%

丁一一

(星島日報報道)政府打壓樓市「辣招」令交投大減，樓價亦受壓，近日地產代理更高調要求撤「辣招」。恒基地產（012）主席李兆基表示，樓市「辣招」只是短期措施，不會永遠執行，但就認為現在還未到政府撤銷雙辣招的適當時機，料未來一、兩年本港樓價還會繼續下跌，到時若本港樓市供應增加至合理水平，政府自然會撤銷辣招。他又認為，情況最壞的時候，地價下跌一半的可能性存在，但樓價就一定不會跌一半，「最多由（百分之）一百跌到七十五」。
　　李兆基昨日出席香港科技大學新校園開幕典禮後，回應早前有分析員指未來兩年本港樓價可能下跌一半的說法，他認為相關言論太過誇張，因現時香港一手樓平均呎價在八千元左右，其中四千元是建築費，另外一半是地價，「如果樓價下跌一半，即是淨係夠俾建築費，發展商根本冇錢賺！」他認為情況最壞的時候，地價下跌一半的可能性存在，但樓價就一定不會跌一半。
　　四叔坦言，近日樓市氣氛較差，對各大發展商新盤銷情有一定影響，但他指出，發展商每年的利潤並非全數來自物業銷售，亦包括租金收入及其他投資等，其中租金收入可佔到地產商盈利的三至四成，而除地產外，本港幾大地產商都有自己的其他投資項目，比如恒地就有旗下的煤氣（003），可以為集團貢獻盈利。
　　他指出，租金收入及其他投資加起來已佔到恒地收入的一大半，「所以就算賣地方面唔理想，都一定會有錢賺，只不過賺少咁解」。
　　上周四，新鴻基地產（016）以二百七十六億港元高價擊敗九龍倉（004）以及恒地組成的財團，奪下上海徐家匯中心地皮，雖然在「地王爭奪戰」中敗給新地，四叔還是大方承認，徐家匯中心地塊是一塊「好地」，如果用來發展收租物業，都係一個「好好投資」。
　　四叔話，雖然空置十八年後，徐家匯中心地塊已較當初貴了廿幾倍，但是現在的價錢仍然「抵買」，因長期來看，它的投資價值可觀。


四叔又以集團當年投資本港國際金融中心（IFC）的經驗說明，雖然投資此類項目前期很貴，要投入許多資金，但是十年八年之後，它的投資價值就會顯現出來，故他會長遠看好徐家匯中心項目的價值。至於恒地未來會否再在內地拿地，他則沒有透露。

丁一一

OK, 而家加按, 等跌25% 再入貨

Thomas_Chan

丁一一 发表于 2013-9-11 11:21

                               
登錄/註冊後可看大圖

OK, 而家加按, 等跌25% 再入貨

會否有排等？

跌多兩成半？大地產商就有咁既財力姐，而且唔炒香港樓，仲有強國呢個大賭場。

反而，係本地的地產相關的產業，如地產代理、裝修等，未必捱得到跌多兩成半。

我估跌多成半，政府會開始鬆綁。

TKT

有朋友連份工都唔要，全職炒樓，除自住樓宇外，而家仲有五層

Thomas_Chan

TKT 发表于 2013-9-11 11:58

                               
登錄/註冊後可看大圖

有朋友連份工都唔要，全職炒樓，除自住樓宇外，而家仲有五層

一 D 都唔奇。我都識個舊同事兩公婆，都棄工轉做全職炒樓。

日日睡到黃朝日晏……

海龙

算落好禾味!
高薪5萬一個月, 一年只不過60萬.
炒樓一個轉身隨時閒閒哋有50, 60萬刮.
來個2, 3百萬亦唔出奇.

TKT

你未瞓醒
只是MHV做例子，200萬一層樓已變400+萬！
車位20 萬去到95萬！
n年前已有街坊叫我加按再買多一層……
想起好心噏

Thomas_Chan

TKT 发表于 2013-9-12 00:16

                               
登錄/註冊後可看大圖

你未瞓醒
只是MHV做例子，200萬一層樓已變400+萬！
車位20 萬去到95萬！

算吧，我地唔係一心炒樓，好難賺取呢筆錢。

一眾街坊多係想安居樂業。

TKT

的確，講係咁話啫，唔會真“恨“嘅
父親常常說：鐘鳴鼎食不易為！見人家炒賣樓宇、股票、外匯、金銀…………除職業所需外，那有免費午餐？
當然有例外，不少明友的確炒樓、炒股致富，一茶三飯，半島high tea……朋友常笑我是外星來客，因為我仍愛返定時工作

standbyme

咁又係呀，有些錢真係唔到我地賺。
加按入貨？要預備坐艇供得起先得。