中門大開：薯片政策

TKT

食薯片點解會唔停得口，食完一塊又一塊，你話好味又唔算，但就帶畀消費者良好感覺。專家曾經研究過食薯片上癮係來自聽覺口感，而非來自味覺，即係話純粹係心理作用。
政府的公共政策，好多時好似食薯片一樣，聽落去感覺良好，至於實際效用，大家都唔多理，典型例子是新政府房策。
最近啟德兩幅港人港地招標公佈，國企背景的地產商中國海外（688），擊敗多家港資地產商，以45.4億元接近市場估計的上限價，購入啟德地盤兩幅港人港地地皮，相當於平均樓面呎價約5,158元。有測量師預料，日後物業落成後，實用呎價高達1.3萬至1.5萬元一呎，與附近的私人樓盤譽．港灣相若。
大鑼大鼓迎合民粹的「港人港X」政策，口號動聽，食正抬頭的本土主義，抗拒強國人入侵情緒。由港奶、港媽到港地，執行起來卻荒腔走板。港奶擴大打擊面引發內地部門不滿；港媽床位停雙非根本無法律基礎；最新登場是港人港地，起初名義是控制樓市炒賣，本地利益優先，假設加入買家身份限制，轉手時冇咁吃香，指定要賣番畀本地人，理應地價會下調，從而令建成後之零售價也跟手下調，益了香港買家。                                                                                                        
                           
中海外高價投地變害梁                                                                                                                                        本地發展商當然審慎入標出價，反而中國海外最進取，出價接近上限價，志在必得。有評論認為中資高價投地是挺梁動作，表面睇好似係，但細心分析，高價投港人港地，即係托住個市唔畀佢跌，將港人港地政策目標打沉。
如果港人港地都要萬五蚊一呎，梁振英、張炳良、陳茂波究竟知唔知做緊乜嘢？屆時所謂港人港地推出，根本就係畀香港人炒之豪宅，而唔係上車盤。
𠵱家港人港地條法例未寫，仍在研究立法，估計法例草擬唔簡單，好大機會又搞出類似限奶令大頭佛，到梁陳落台條法例都未必通過立法會。而今次港人港地頭炮失利，政府又會出招加入更多限制條款，除限買家要本地人外，可能加入限呎限價，咁同私人參建居屋又有乜分別呢？折騰一大餐，倒不如專心覓地起居屋，或重推首置更實際。
Feel good並不是制訂公共政策的理由!                                                                                                                    

                               
登錄/註冊後可看大圖

            
                    

                               
登錄/註冊後可看大圖

                                                                                                      
添馬男

中資發展商以高價購入啟德兩幅港人港地地皮，將梁振英的政策目標打沉。      

TKT

簡直大劑!
如施永青所說, 奸英政策阻止了賣地收入, 好快要食穀種!

dan.gel

梁唯有推個填海造地大話法.