中門大開：詭異審計

TKT

任何政府部門進行審計，總會搵到大大小小問題，用放大鏡逐張單去睇，左度右計，總會搵到漏洞，而審計政治殺傷力極大，係因為報告要提交立法會公共帳目委員會審核通過，而PAC內各黨派均有代表，最後寫報告唔係建制派可以隻手遮天。而帳委會亦有法定權力舉行hearing，傳召官員出席，大家仲記得當年旅發局一姐臧明華就係咁俾議員玩到殘。而曾蔭權當年用審計對付港台員工，令香港電台形象大受傷害，內部人心惶惶，而政府則借機空降政務官出任署長作整頓。
疑振英策劃打擊「港英餘孽」                                       
梁特首今屆組織新政府，最大動作係空降外邊梁粉孫德基出任審計署署長，當時我已覺有古怪，審計署署長由特首自己人出任，其政治色彩比任何事情都要濃。上手如鄧國斌、陳彥達均來自政務官系統，當時傳媒對此不以為意，直到最新審計報告出台，將香港人引以為傲的ICAC進行審核、揭開所謂湯顯明專員醜聞，大家才驚覺事態不尋常。
按常理推測，一個空降梁粉審計大員，一上任立即攞廉記祭旗，真係夠出位。究竟係梁指示孫去審查ICAC，定係孫自己決定？而選擇廉記做審計時，有否請示梁振英？過程中又有否向梁滙報呢？廉記屬敏感部門，若無特首批准或主動指示，審計署署長不會自把自為，而更啟人懷疑係緊接審計報告後，一連串向《明報》揭發湯顯明送禮、貪飲貪食行為，手法都似曾相識。審計報告是第一槍，之後用傳媒及帳委會聆訊將湯顯明政治聯繫進行公審，先至係主菜，而且還將中聯辦官員及其他內地官員牽涉入內，張曉明空降中聯辦，與梁關係緊張，今次將審計報告之火引向中聯辦干政，變成一場事先張揚之大龍鳳。
為ICAC進行衡工量值，表面上冠冕堂皇，梁振英在北京表態，反覆強調現屆政府廉潔奉公，更加令人相信，他有份參與導演呢場打擊「港英餘孽」政務官嘅「大龍鳳」。
作為特首，正常政治回應係向公眾表達相信香港廉政制度，而非劃清界線。政治上提攜梁振英之「過氣老共」吳康民此時忽然在《明報》高調攻擊港英餘孽，與田北俊展開罵戰，當然唔係因為老到懵咗，而係反映出一股極左勢力在影響香港，目標係否定香港制度優勢，情況就如當日整治港台一樣。
下一個審計目標，我認為好大可能係司法機關。
添馬男                                    

                               
登錄/註冊後可看大圖

                               
登錄/註冊後可看大圖

丁一一

表叔還有餘下50年, 將香港核心價值"成功"全部打爛!

Thomas_Chan

丁一一 发表于 2013-4-30 10:52

                               
登錄/註冊後可看大圖

表叔還有餘下50年, 將香港核心價值"成功"全部打爛!

邊到仲有 50 年？尚餘 24 年咋……

丁一一

也表叔識計數嘅咩? 任佢哋噏啫

有冇見那張德光接待那班"有錢擦鞋仔"個衰樣? 佢以為自己大晒, 要香港"搞好經濟"...其他唔洗講...
這些渾蛋井底蛙京官，未見過大場面，也不可能用這態度接待客人。個格超衰, 似有錢佬娶三奶, 係生仔啫, 其他唔洗講
說他沒貪污？等着看下集吧！