煲呔希拉里艷遇裸男 - 夏威夷漢手持火把「路過」

TKT

【明報專訊】特首曾蔭權 噚日結束APEC會議由夏威夷檀香山返港，今年APEC焦點係歐債危機，氣氛沉重，連各國領袖大合照都無按APEC一貫做法穿上東道主傳統服裝。原來歐債危機之外，會議現場發生一段搞笑香艷小插曲，搞到美國國務卿希拉里笑到見牙唔見眼。
話說煲呔星期日有機會同希拉里單獨會面，兩個人「棟篤企」畀記者影相，行內稱之為photo call。正當佢?傾偈兼企定定畀記者影相時，突然有一個拎住火把半裸男子從佢?後面衝過，希拉里見到，忍唔住拍手大笑同在場記者講﹕「正呀！我希望你們都影到啦！」（That was great! I hope you all captured that.）仲拍拍煲呔膊頭話：「大家一定會想，究竟這位行政長官在做什麼？」（People will wonder what the Chief Executive is doing.）
煲呔目瞪口呆 希拉里﹕正呀！
外電無報道當時煲呔有乜反應，但相片上就見到佢淨係望住個半裸男，擘大口得個窿。至於呢位仁兄為何突然出現，記者們都無從稽考，淨係描述佢當時下半身包住一條圍布，相信係夏威夷傳統打扮。
講開煲呔，港大 民意研究計劃噚日公布佢同主要官員民望，佢同新任政務司長林瑞麟 比10月中時候都有回升，煲呔最新評分48.7，上升0.8分；林瑞麟評分40.4，上升1.9分，兩人支持率淨值都有上升。

Singasing

裸男吊吊揈　幫煲呔贈興
Aloha！這裏果然是美國夏威夷。上周六亞太經合組織（ APEC）峯會期間，特首曾蔭權和美國國務卿希拉莉在官方安排場地準備拍照，豈料背後忽然有一個原居民打扮的半裸男子跑過，引來哄堂大笑。
當時希拉莉和曾蔭權正在戶外對談，大批傳媒被邀到場拍攝。突然，兩人背後閃過一道火光──一名上身赤裸、下身只穿上襠布的男子，手持火炬匆匆跑過，雖然由入鏡到出鏡僅短短兩秒鐘，已夠令記者狂笑。及時轉身看見裸男的希拉莉也不禁拍手大笑，更對記者說：「這真精彩！希望你們全都拍到了。」然後，她拍拍曾蔭權的肩膊開玩笑：「可能他想知道特首在做甚麼。」
據了解，拍攝場地附近不時有表演，細看下那男子應是穿着原居民的傳統服，相信是表演人員恰巧路過，曾蔭權和希拉莉事後都沒深究事件。互聯網

Thomas_Chan

睇佢地既表情、反應，簡直係兩個級數的領袖……

TKT

似個未見過大場面的“細路”