買唔起樓去買車？ 市民：樓係資產車唔係！

山米

運輸及房屋局局長陳帆今早指年輕一代「買不到樓就去買車」；中大一年級學生何同學就直言不認同陳帆，「唔Fair喇，我覺得樓同車係兩樣嘢嚟，因為樓係資產，但車唔係」，又直言男士買車只是因「貪玩」、「型」，「（如果有資金）都一定買樓，因為踏實啲，始終香港都係買磚頭，先買咗樓再買車；樓係必須，但車就唔係必須」。同行的董同學亦反駁，指有車與否「無乜咁大分別」，不認同買車是為陳所指的「私人空間」。

從事汽車業的何先生亦不認同陳帆，寧願儲錢買樓再買車，「如果我有筆錢我都買樓先，始終車係消耗品、唔可以升值，就算我買都唔投放一大筆錢落去，都係買樓較有可能有升值空間」，直言問題是「土地問題」，就算年輕人買車亦與私人空間無關，稱政府不理解市民的想法。

從事工程業的鄭先生則「唔係咁諗」，「我當時係工作需要先買車，買樓就自住需要；唔會係話買唔到樓先走去買車，咁你得嗰幾廿萬，如果你有需要上車就緊係儲埋去買樓好過買車喇，車係奢侈品嚟啫」；認為陳帆不理解民意，望政府推動政策解決問題。

律師陳先生早年則是先買車再買樓，他雖認同「買車嘅目標比較容易達成」，亦認為買車後，拍拖時可有私人空間，惟卻笑言車價與樓價兩者價格相距大，不認為「買車後買不起樓」或「不買車、儲幾年錢可買樓」有必然關係，「（車價、樓價）價錢爭好遠，唔係講緊十幾廿萬，我覺得唔係嗰個數，兩者價錢根本係兩回事」。

                               
登錄/註冊後可看大圖

山米

林鄭自誇無微不至 陳帆望市民有自己Dream Home

特首林鄭月娥今早出席電視節目時表示，施政報告並無迴避政治問題，當中觸及普選、基本法23條等問題，稱這份施政報告是希望做到無微不至，大小問題都要解決。林鄭相信，要有土地供應，亦要有好的房屋政策配合。

運輸及房屋局局長陳帆在電台節目指，置業是人生一大投資項目，屬於個人選擇，提醒市民要量力而為，政府在施政報告提出大量增加「綠置居」單位，是希望可以增加市民置業的機會，但他強調政府房屋政策方向及角度的轉變，是在房屋階層內多加一層，而當局亦會適度調整政策，重申對公營房屋供應仍然有承擔。

陳帆承認，現時樓價與市民負擔能力脫節，未來政府目標就是尋覓更多的土地，在短時間內盡量建更多的公營房屋，滿足市民居住要求，長遠希望透過政策方向轉移，讓市民有自己的「Dream Home」，有夢想成真的一天。他形容政府未來土地供應方面的工作漫長及具挑戰性，但政府會「事不避難」，不會懶惰。

                               
登錄/註冊後可看大圖