車cam老屈的士司機 警方咁樣回應……

山米

《壹》仔早幾日報導過一段疑似警員「老屈」的士司機駛入巴士線的片段，引起很大迴響。

幸好司機車上安裝了車cam，錄底了事前行車路線，以及警員的對話整個過程，結果誰是誰非，無所遁形。

連日來，《壹》仔就事件多次向警察公共關係科查詢，希望有關當局就事件作出解釋，惟對方一直只以「事件正在了解中」為由作回答。究竟「怎樣了解？」「如何跟進？」「跟進後會有甚麼結果？」等等問題，對方均說：「總之我哋都係答呢句，無嘢補充。」

完。

今次事件，真係好彩的士大佬有安裝車Cam，否則官字兩個口，想甩身真係口同鼻拗，《壹》仔亦奉勸職業司機，最好安裝車Cam保安全。

事緣日前網上流傳一段疑似警員「老屈」的士司機片段，片中顯示七月六日當日下午約五時十五分，一架的士在沙田紅梅谷路，駛往獅子山隧道方向，其後的士駛過紅梅谷路金獅花園，開始行駛中線。

當的士經過世界花園對出巴士線，被兩名警員截停，其中一名警員指的士司機誤入巴士線。期間的士司機不停解釋「我無，我無、我無，我無行過巴士線」，警員與其爭辯，更指：「咁即係我睇錯？」，其後司機無奈說：「我講都無用，我仲有鏡頭添。」

當警員聽到司機有鏡頭之後，忽然態度改變，立即放行。

片段其後上載到社交媒體，不少網民不值的士司機被屈。「佢(警察)點睇到人地行巴士線？」、「一話有cam 龜頭縮都縮唔切」、「唔屈你D搵食車，唔通屈D貴車咩？」有網民更說：「好恐怖，如果真係冇cam 作證....佢話乜都得」。

當日《壹》仔就事件向警察公共關係科了解，警方指正了解事件。

但幾日以來一直追問，警方沒有再具體回應，究竟事件是否就此想不了了之？大家點睇？

                               
登錄/註冊後可看大圖