大角嘴 - 港 灣 豪 庭 Metro Harbor View

 找回密碼
 注册
今天是
搜索
查看: 2193|回復: 5

中門大開:在食撻表象背後

[複製鏈接]
發表於 2014-3-25 11:14:43 | 顯示全部樓層 |閱讀模式
肥彭來港竟然有近百人往機場接機,佢二十年前出任港督,香港人長情?非也,不過是借擁肥彭來顯示目前深紅政客當特首之不堪,今不如昔,順手刺激一下左派及北京官員。其實無論係反彭或擁彭者,都未有認真睜開眼睇清楚1992至1997年彭治時代對香港本土政治現代化影響,大家焦點不外乎他英國政客風采或在政改問題上同北京對着幹,激到北京扎扎跳。                                   
冇肥彭改革 香港淪落更甚當年臨別,司徒華送了一塊書法牌匾予肥彭,上書「千古醉人」,既食「千古罪人」字,也反映華叔對佢欣賞。肥彭親民去泰昌食蛋撻、飲涼茶、小狗及千金們八卦新聞,都只係表面那一「浸」。

佢真正貢獻係將殖民地官僚政治引入「現代性」(modernity)。現代性是講求透明度、公平、公正、問責,如果冇肥彭七年內政改革,今日香港淪落至更加不堪情況。

舊殖民地官僚問責性及透明度低,肥彭來到第一樣就係推動citizen's charter,後改為「服務承諾」,即每個同市民有接觸之執行部門,要公開承諾處理市民個案所需時間,唔好睇少呢種行政改革,係一個大工程。第二步係借營運基金控制官僚膨脹,部門訂下目標回報率,作為衝量指標,令部門首長要有成本控制意識。第三步係佢自己帶頭推動問責性,今日特區空有問責制之名,但實質用盡各種方法迴避向立法會及公眾問責。當年肥彭首創總督答問大會,唔單止定期落立法局答問,也在施政報告之後落大會堂直接接受市民質詢。另外又提拔一班青壯政務官,如林煥光、林鄭月娥、羅范椒芬,鼓勵佢哋走出去,落立法局,去公開論壇,出席政黨活動。

肥彭在政治上提高三級議會作為民意代表及問責之地位,而九七後北京卻不斷削弱立法會監督職能,引入分組點票,比例代表制,主動製造議會分裂及黨派林立,誰也不服誰,處處設防。香港政治陷入大敗局,正正就係因為政制發展冇方向,一切以互相監視、互相制約為主導思想,將大小權力分割。

北京正因為無法子走出彭定康夢魘,九七後用全力清洗彭定康「餘毒」,結果特區十多年來政治體制徘徊不前。

九七後兩大政治改變,一是老董殺死了民選市政局,製造了超級官僚機構康文及食環署,而承諾之權力下放至區議會根本從未實行。二是搞問責制,反過來向政務官奪權,自己製造內部矛盾,但問責制又冇普選及正規政黨政治作配合,搞出一棚古靈精怪虛有問責之名而無問責之實嘅所謂司局級官員。

撫今追昔,肥彭七年改革成果遠超九七後十六年失敗管治,盲頭烏蠅式亂搞一通。懷念彭定康,並非戀殖親英,而是懷念一個充滿改革熱情、充滿希望嘅年代!                                    
添馬男                                    

                               
登錄/註冊後可看大圖


港人懷念彭定康(右),並非戀殖親英,只是捨不得一個充滿改革熱情、充滿希望的年代。.jpg
發表於 2014-3-25 12:30:22 | 顯示全部樓層
就發發個「春秋大夢」。

既然要個「爛香港」,表叔倒不如用盡香港的「剩餘價值」!

這個爛灘子,就交香港給英國佬管理,就是要拆佢既「金漆招牌」,到時仲有人舉獅龍旗?就睇下佢地點拆自己埋的彈!真係剝花生睇戲……

當然,不能這樣便宜他們,每年香港要上貢一筆可觀的費用給北京,而主權仍是在強國手。
發表於 2014-3-25 17:41:54 | 顯示全部樓層
大哥,有冇搞錯?我哋邊洗進貢呀?
好似係50年後先要炸!
發表於 2014-3-25 18:35:00 | 顯示全部樓層
Singasing 发表于 2014-3-25 17:41
大哥,有冇搞錯?我哋邊洗進貢呀?
好似係50年後先要炸!

太天真,我們真的無利益輸送(該是上貢)嗎?

其實,無論在公共事務、又或者私營界別,都在全方位……

側看,現在的香港僅餘的工業——建造業,香港幾大建造業龍頭都已轉為中資背景啦~

近看,得到投政府資訊科技合約的資格,已多有中資背景啦……伙拍中資科技公司……

又看看,買水每單位的水是如何的貴,更不能按單位買……

為何要扼殺本地的禽畜業呢?當然,禽流感、口蹄病,但都只是一個藉口,被政府裡應外合。如政府真的如此貴重市場,自然就讓農畜業自然流失,不會如此刻意啦……

這是溫水煮蛙,大家不會察覺……
發表於 2014-3-26 11:08:04 | 顯示全部樓層
被政府裡應外合
....
發表於 2014-3-26 15:52:02 | 顯示全部樓層

畫公仔唔駛畫出腸……司馬昭之心
您需要登錄後才可以回帖 登錄 | 注册

本版積分規則

Archiver|手机版|小黑屋|港灣豪庭論壇 admin@mhvlive.com

GMT+8, 2024-3-29 13:27 , Processed in 0.023311 second(s), 19 queries .

Metro Harbor Village Forum mhvlive X3.4

mhvlive © 2008-2022, Tai Kok Tsui

快速回復 返回頂部 返回列表