球迷拒肅立:自細愛國但唔認同個政權
本周四旺角場舉行的港足賽事,再有球迷噓國歌,有入場的球迷蘇先生今早致電節目稱,賽事當晚球迷噓國歌的情況比之前更甚,「播完巴林首歌就拍手掌,播另外個首(國歌)仲未播完就開始打鼓、大叫『We're Hong Kong』喇!」
他稱球場內外當時有過百名警員,有理由是針對球迷噓國歌而來,但國歌法尚未完成本地立法,質疑警方是否有需要動用大批警力入場,而且見到有警員拍照,令年青球迷更為反感,「你係威嚇吖?定係有一種目的呢?我諗警務處都要解釋。如果你將尋日嗰種警力調派喺旺角執行反罪惡呢,我諗嗰效果會好啲。」
蘇又稱,自細愛國,聽「三民主義」好有感覺,「呢首(義勇軍進行曲)係咪國歌?唔認同呀,你話係就係?」
他指即使日後通過立法,自己都不會在球賽中肅立,「如果非常時期,一叫全體肅立,我咪起身去廁所囉!呢個係沉默的抗議,係我唔認同呢個政權、唔認同呢首歌」。
足總副主席貝鈞奇形容再有球迷噓國歌是「意料之內」,但重申足球比賽奏國歌是對國家的尊重及禮貌,不應用作政治宣洩,又指即使敵對國歌對戰都不會噓對方的國歌。被問到球賽是否有比之前更多的便衣警員在場,貝僅稱「大家都睇到」,但稱未看到警方有攝錄等行為。至於今次噓國歌會否連累港足受罰,貝指要視乎在場的監場是否覺得有需要寫入報告呈報而定。
|