港台預告片曝光！薯片講修復裂痕 網民：唔怪得林太咬住唔放

山米

前財政司司長曾俊華擔任香港電台及商業電台主持，強調並非受僱亦無薪酬，但港台節目未出街，曾俊華就被指無申報，特首林鄭月娥點名「呼籲」要尊重離任官員申報制度。曾俊華早前反撃，一直有與特首辦常秘丁葉燕薇聯絡，通知有關工作，對方稱要諮詢法律意見及進一步考慮，未有回覆「就有咁多說法」。涉事的港台節目長版預告片出爐，曾俊華在facebook分享片段，連港台的hashtag亦照樣分享，當中幾乎句句暗寸林鄭，「#申報定只係得港台電視31先有得播」、「#驚喜變咗驚嚇」、「#等出街嘅時間仲長過講施政報告」、「#希望個page嘅likelike多到上個鼻度」，網民笑指：「講修補裂痕，唔怪得林太咬住你唔放啦！」

曾俊華之前表示，認為根據離任官員守則，只需要申報受聘工作（employment）、擔任董事（directorship），及擔任合伙人（partnership），「我覺得做商台港台主持，與三者沒有什麼直接關係」。他否認遭特首辦「追殺」，表示指控過分嚴重。

該節目《香港故事－修復時刻》本月18日首播，一連十集，預告片中可見，曾俊華直指香港社會撕裂，要作多方面修補，包括修復家庭、廣東歌等，亦講及修復手工藝品裂痕的故事，更有他自己武刀弄劍的場面。在梁班子時代任財爺五年，薯片叔對於撕裂應「感受良多」，他fb留言直指「因為裂痕，才會有深刻的記憶；因為修復，才懂得甚麼叫珍惜」。

網民留言：
楊繼昌：講修補裂痕，唔怪得林太咬住你唔放啦
Thomson Tam：現在終於明白了點解薯片叔叔你選唔到特首啦……你咁有凝聚力黨係會怕咗你嘅
Janet Leung：特別嗚謝777/689加持幫手宣傳
Wes Choi：Love the hashtags
Anthony Chan：終於可以有得睇啦，我地要唔要申報先睇得嫁？
盧美美：撕裂兩個字對2.0嚟講，太敏感喇

                               
登錄/註冊後可看大圖