崔世安照稿讀生硬慰問 澳門網民怒轟草菅人命
今次事件澳門氣象局局長馮瑞權及特首崔世安成眾矢之的,歸咎他們低估風暴及延誤掛波而釀成慘痛災情。大批澳門網民留言炮轟,斥政府草菅人命,要求馮瑞權辭職,亦有網民擬發起周日遊行。
崔世安昨深夜發表講話,對颱風造成的死者表示哀悼,並慰問他們的家人及災民,又強調相關部會已採取相應的措施,以及處理善後工作。他指政府承諾會盡全力做好今次救災工作,並總結經驗,檢視現行機制,包括氣象訊息發佈。
但有關影片中,崔世安未有正視鏡頭,而是看着鏡頭左側方向,語氣亦十分生硬,懷疑是「照稿讀」。網民紛紛留言表示不滿,有人形容為「官腔式公關稿」,完全欠缺感情,亦有網民直斥他看着講稿唸出來,欠缺誠意,「比點誠意,從心出發,說話都要出貓,叫人點信你呀,吹先生」,「可唔可以唔好讀稿讀到咁出面啊,大佬而家攪成咁仲咁多傷亡,交少少戲都好啊」。
有澳門人要求他向全澳門人道歉,並問責氣象局官員馮瑞權。有人不滿香港早已發出8號風球及作出有關預報,「我想問下澳門點解會差人咁遠?……咁我想問我地仲要個氣象局黎做乜?個風黎到我屋企隔離左右啲玻璃都爆哂,我夠知個風勁啦,仲洗你氣象局局長講?」
有人不滿馮瑞權稱已按照當時情況去發放訊息,「打到嚟,浸到嚟,係人都親身感受到啦!!氣象局其中一個功能係預警,好似地震預警咁!!佢到底明唔明重要性係乜?唔係叫佢好似傳媒咁按實時情況如實報告囉!!」亦有人慨嘆澳門只不過是金玉其外,質疑遲遲未掛8號風球,是為了避免影響賭場收入。
|