大角嘴 - 港 灣 豪 庭 Metro Harbor View

 找回密碼
 注册

欢迎您, 今天是 *君子自重,本網站嚴禁賣廣告, 發放, 或宣傳色情色情行業*

搜索
查看: 1030|回復: 0

【UGL醜聞】譴責阿鼎玩彈弓手 葉劉三個鐘內反口

[複製鏈接]
發表於 2017-5-18 18:43:29 | 顯示全部樓層 |閱讀模式
新民黨主席葉劉淑儀今早接受商台訪問,直斥民建聯周浩鼎讓特首梁振英修改其提交專責委員會建議是「非常不智」,指對方可能無甚經驗,才會「特首叫到就聽佢話」。她指立法會要監察政府,議員要有獨立思考能力,自言過去在政府為官多年,從未試過修改議員文件,「絕對冇,冇可能」,直指做法是憲制分工與程序上都不恰當,而且應知道一旦被揭會「好大鑊」。

她說周不辭委員會職位或因黨內有意見認為辭職等同認錯,「你一旦留喺度一路畀人攻擊」,又指梁振英回應事件振振有辭「覺得自己做得好啱」,那麼梁更應直接向委員會表達意見,而非透過一個委員去做。她對於周稱沒隱瞞事件的說法感質疑,認為將提交文件留下修訂紀錄是匪夷所思,「唔通佢話冇隱瞞就係想有今日嘅後果﹖」直言解釋不合邏輯。

被問會否支持民主派針對周的譴責動議,她說:「睇吓字眼點,如果字眼恰當可以考慮。」又稱會聽周的解釋再決定,但不認同解散委員會,認為只是拖延調查。對於有指其黨友容海恩,即委員會另一委員,曾提出部份意見,與周浩鼎經梁振英修改的文件相約,被質疑是否亦有與梁振英溝通。葉劉指已問過容,對方稱絕無此事,又指容提出的意見比周提交修訂建議更早。

葉劉淑儀隨後上午11時許在立法會再多評論事件,多次稱周應辭任委員會成員:「如果我係佢(周浩鼎),我會退出。」她指周浩鼎作為調查委員會成員、調查者,今次事件「對佢公信力係有影響,佢自己退出就好啲。」但指事件不會影響整個建制派,因為今次事件是周浩鼎個人程序失誤。對於周浩鼎拒絕遲任委員會成員,疑採用拖延策略,多次呼籲周浩鼎辭任委員的葉太認為,「對佢自己唔好,因為我可以想像佢繼續留任喺個委員會,其他成員可能會不斷會訕笑佢,佢每講一句說話、擰一啲文件出嚟,都會有人問,係咪梁生叫你(周浩鼎)講㗎,咁咪影響委員會進度囉。如果我係佢,我會退出。」

她又指周浩鼎應「消化」特首辦給他的文件,不應照單全收:「唔應該就咁出,所以我認為佢應該辭任這個委員會職務。」她又指,相比周浩鼎,遭梁振英入稟控誹謗的梁繼昌是否應辭任,程度「絕對冇咁嚴重」,因為立法會《議事規則》只需處理的是「直接金錢利益衝突」,議員申報便可,申報後可繼續留任,責任自負,即使角色衝突,也是由議員自己處理便可,社會會看到委員是否有私心,最終梁繼昌是否辭職應由他自己決定:「呢啲應該由梁繼昌或者其他議員自己決定。但周議員嘅情況就唔同,因為文件已顯示,佢係將梁生嘅意見照單全收,因為對佢作為調查員公信力有影響」

她又批評梁振英非常之不尊重立法會,斥周浩鼎今次處理UGL事件不當:「佢(梁振英)有意見可以直接畀委員會,佢自己出嚟作證都得,唔應該只搵一位議員(周浩鼎)吖。」不過,再被問到有議員擬向周浩鼎提出不信任動議,葉太就改變早上在電台的說法稱反對,認為今次是個別事件,覺得周是年輕和經驗淺的議員,每個人也要從失誤中學習:「佢只係做咗幾個月議員,可能行政長官同佢傾偈,佢唔係好識點樣處理行政長官提出嚟嘅意見。所以我唔會因為一件事就支持讉責佢,就對佢不信任,畀個機會佢。我相信佢會汲取教訓。」                                                                               

                               
登錄/註冊後可看大圖

您需要登錄後才可以回帖 登錄 | 注册

本版積分規則

Archiver|手机版|小黑屋|港灣豪庭論壇 admin@mhvlive.com

GMT+8, 2024-3-29 16:01 , Processed in 0.017650 second(s), 16 queries .

Metro Harbor Village Forum mhvlive X3.4

mhvlive © 2008-2022, Tai Kok Tsui

快速回復 返回頂部 返回列表