TKT 發表於 2014-1-17 11:56:39

Smart ass變dumb ass

八十年代香港專出smart ass,窒人唔使本,懶醒、認叻,但又唔知自己乞人憎。曾志偉福星片就係典型smart ass系列,殘存至今有一位,叫阿叻,陳百祥。香港smart ass彈起,因為由工業轉做商業、金融、服務業,工業時代要實幹,靠對手死捱難捱,服務業時代靠把口,但凡做sales,賣車賣樓賣基金者,多數係此款。測量師表面係專業人士,但實際係跟地產佬搵食之大sales,Smart ass殘存至今有一位,叫689,梁振英。

董建華與梁振英份屬同門,老董dumb,好似電腦唔夠RAM,成日額頭前有個圈行緊。佢任內假大空政策,乜港物港,應該來自梁振英。而梁比董有小聰明,識與唔識乜都敢噏,起初前線記者中招,選舉時紛紛吹捧佢,《明報》尤甚,仲有一班低能學者、NGO、社工對佢有好感。

但smart ass做特首就出事,因為狡猾小聰明,可一不可再,地產經紀滾到你入票就搞掂,做deal一次過,事後自己發現中招買貴咗都冇辦法。但特首一做五年,巿民、政黨、傳媒日日睇你表演語言偽術、詭辯、小聰明,遲早穿煲。

舊年立法會答問,議員質問佢僭建,梁振英smart ass的本性顯現,他答:「我記得我冇講過冇僭建」,議事堂內一片嘩然,如此「無賴式」句子,竟然出自堂堂特首之口。

周三施政報告記者會,被問到標準工時失蹤一事,佢又故技重施,答:「我唔提唔代表唔做」,證明佢不單止冇反省過做特首不應表現出smart ass一面,而且仲認為如此答案叻到爆,將記者成功愚弄。到周四立法會答問,工聯會鄧家彪問取消強積金對沖機制失蹤一事,佢又再一次答:「冇提唔代表唔做」。問你死未!   
                              
施政報告浮誇假大空這邊廂林煥光稱讚施政報告鉅細無遺,梁振英連鼓勵少數族裔加入少年警訊都煞有介事寫一段,反而勞工界最重視之標準工時及取消強積金對沖機制一隻字都唔提,好明顯係冇決心做,一味拖,側側膊。佢當人儍,用語言偽術去回應政治及政策質詢,全世界都睇穿晒,包括中央官員,早前王光亞要佢述職不能報喜不報憂,要找到不足,就係公開表示不滿。

今次施政報告充斥大量smart ass式願景,例如返內地創業、返內地升學、養老、住大啲、住好啲、開發東大嶼山做未來珠三角CBD,處處充滿着老董浮誇假大空的風格,但是要香港人信,好難!
做特首,對內對外言行,處事方式,都要顯示領導才能,一份施政報告,需要有足夠「知識含量」,由特首到官員,談論政策,要顯示自己有intellectual capacity,而非靠一句smart ass句子。                                    

添馬男                                    
http://staticlayout.apple.nextmedia.com/web_images/layout/art_end.gif

http://static.apple.nextmedia.com/adoinfile/Section_Logo/15523465sign.gif




huali 發表於 2014-1-17 23:45:20

希望見到實質好事, 香港市民好一點.
頁: [1]
查看完整版本: Smart ass變dumb ass