山米 發表於 2017-9-18 22:40:09

「歪」風知勁草?眾志有新成員主動加入 周庭:我哋唔會驚

反東北撥款及重奪公民廣場案覆核刑期近一個月,社會為被判囚的東北13子及雙學3子聲援聲未減;「歪」風知勁草,風眼中的香港眾志有不少新成員加入,主動聯手抵擋風暴。眾志常委周庭指,覆核判刑令成員間覺悟加大,街頭行動意志更堅定,政府藉覆核案製造的「阻嚇」顯然未奏效,「無論點打壓都好,我哋都係唔會驚,會繼續堅持街頭路線。」
記者許偉賢
外界不少人認為這段時間或是社運界低潮,施加予社會抗爭人士身上的重刑,定必嚇退一些有心人。周庭卻不這樣認為,「反而係佢哋入獄後,眾志嘅朋友覺悟更大」,不單主動的分擔眾志黨務及崗位,亦認定要更加堅強,「成個政治環境係好艱辛,我哋反而覺得:唔可以氣餒」,「希望幾位成員(黃之鋒、羅冠聰、林朗彥)出嚟後,見到更強大嘅眾志,希望佢哋發現,我哋並無放棄」。

「歪風」中的暖流,包括有新成員加入,大學生與成年人也有,統統稱欲在艱難時間援手。2012年參加反國教運動的周庭認為,政權在這五年打壓日益加大,「由提出參選確認書阻止一啲人參選,到DQ議員,再到律政司堅持要覆核刑期,好明顯,第一,係想阻嚇市民唔好去參與社會運動,第二,係想阻止某啲主要成員參選」,但她稱無論面對多大打壓,眾志成員亦繼續堅持街頭路線,「政府覺得好唔順眼嘅主張,我哋都會繼續keep住」。

但她同時認為應在艱難時間思考前路,以便好好裝備再作戰,例如組織工作必須加強,不再單純靠突發政治事件動員群眾。她以近期大批市民參與的聲援政治犯遊行為例指,「點樣可以令呢啲人可以變成堅實嘅人(即參與行動),而唔只喺最大或者最嚴重嘅時間先至行出嚟?呢啲係我哋要思考,要透過地區組織工作令到佢哋更堅實,令到平時有議題時、或者一啲地區不公義議題,都肯行出嚟。」

周庭不諱言主張與政權協商的溫和民主派,亦應反思協商的作用有多大?「有啲人認為透過又傾又砌、透過協商,可以動搖到中國咁大嘅系統、想佢哋有少少讓步,我認為行唔通,中共唔可能因你而動搖。」她指民主路上更重要的是,團結所有相信要爭取民主的人,「然後一齊去思考,點樣先可以令民主力量運動更加強大」。 http://staticlayout.apple.nextmedia.com/web_images/layout/art_end.gif
頁: [1]
查看完整版本: 「歪」風知勁草?眾志有新成員主動加入 周庭:我哋唔會驚